İqtisadiyyat.az xəbər verir ki, bu barədə "The Wall Street Journal" (WSJ) yazıb.

Nəşrin yazdığına əsasən, bu proses 2026-cı ilin əvvəlində həyata keçiriləcək.

Bir belə sikkənin istehsalı dörd sentə başa gəlir. Məhz bu səbəbdən onların dövriyyədən çıxarılması qərara alınıb. Bu addım nəticəsində material xərclərinin azalması hesabına ildə təxminən 56 milyon dollar qənaət ediləcəyi planlaşdırılır.

Məqalədə qeyd olunur ki, bu qərar ABŞ valyutasının ən aşağı nominal dəyərinə malik olan pul vahidinin ləğvi üçün uzun müddətdir davam edən ikipartiyalı səylərin nəticəsidir. Bu sikkələrin tranzaksiya üçün istifadə olunmasından daha çox itməsi və ya divan altına düşməsi ehtimalı var.

Bununla belə, bu addım amerikalılar üçün müəyyən mənfi nəticələr də doğura bilər. Belə ki, bir sentlik sikkələrin istehsalı dayandırıldıqdan sonra satıcılar qiymətləri ən yaxın beş sentə yuvarlamağa məcbur qalacaqlar – ya yuxarı, ya da aşağı.

"eyd edək ki, bir sentlik sikkələrin ABŞ-də istehsalına ilk dəfə 1793-cü ildə başlanılıb.

2024-cü ilin fevralında ABŞ prezidenti Donald Tramp ABŞ maliyyə naziri Skott Bessentə 1 sentlik yeni sikkələrin buraxılmasının dayandırılması barədə göstəriş vermişdi. Tramp vurğulamışdı ki, bu sikkələrin istehsalı onların nominal dəyərindən iki dəfə baha başa gəlir. İstehsalın bahalaşmasının səbəblərindən biri kimi isə metalların qiymətinin artması göstərilmişdi.