İqtisadiyyat.az xəbər verir ki, bu barədə "The National Interest" (TNI) nəşri məlumat yayıb.

ABŞ Silahlı Qüvvələrinin Strateji Komandanlığının (STRATCOM) rəhbəri Entoni Kottonun sözlərinə görə, ABŞ Hərbi Hava Qüvvələrinin 145 yeni bombardmançıya ehtiyacı var.

O bildirib ki, ideal strateji bombardmançı donanması təxminən 220 təyyarədən ibarət olmalıdır. Bu say həm yaxın dövr üçün çağırışlara, həm də qlobal təhlükələrə cavab vermək üçün kifayət edəcək.

“Məqsədə çatmaq üçün Hərbi Hava Qüvvələri hazırda planlaşdırılan 100 deyil, 145 ədəd B-21 Raider tipli “görünməz” bombardmançı almalıdır”, – deyə Entoni Kotton əlavə edib.

Nəşr əlavə edir ki, ABŞ Hərbi Hava Qüvvələri hazırkı B-1 və B-2 bombardmançılarından imtina etməyi, donanmada yalnız yeni nəsil B-21-ləri və modernləşdirilmiş B-52J təyyarələrini saxlamağı planlaşdırır. Bu addım, TNI-yə görə, az görünənliklə yüksək yükdaşıma qabiliyyəti arasında balans yaradacaq.