Birləşmiş Ştatlar daim tərəfdaşlarla hərbi əlaqələri gücləndirir və Çinə qarşı mübarizə aparmaq üçün bloklar təşkil edir.

İqtisadiyyat.az xarici mediaya istinadən xəbər verir ki, bunu Çin Xarici İşlər Nazirliyinin rəsmi nümayəndəsi Lin Jian deyib.

“Çin dünyanın bütün ölkələri ilə mehriban əməkdaşlığa, üçüncü tərəfləri hədəf almadan digər dövlətlərlə normal münasibətləri inkişaf etdirməyə çalışır. ABŞ öz növbəsində Çinə qarşı kiçik qruplar birləşdirir və hərbi ittifaqları gücləndirir digər ölkələri bu və ya digər tərəfi seçməyə məcbur edir”, - o bildirib.

L. Jian əlavə edib ki, Çinin hərbi potensialının inkişafı heç bir ölkəyə qarşı deyil, milli təhlükəsizliyin qorunmasına yönəlib.

Qeyd edək ki, ABŞ dövlət katibinin birinci müavini Kurt Kempbel Nümayəndələr Palatasının Xarici Əlaqələr Komitəsində keçirilən dinləmələrdə bildirib ki, Ukraynada döyüş meydanında baş verən hadisələr Hind-Sakit okean regionunda mümkün münaqişənin təbiətinə birbaşa təsir göstərir. O, Rusiya Federasiyası və Çin Xalq Respublikası tərəfindən “Okean-2024” komanda qərargah təlimlərinin keçirilməsindən narahatlığını ifadə edib.

Sadiq Cavadov