ABŞ federal hökumətinin fevral ayında büdcə kəsiri keçən ilin eyni ayı ilə müqayisədə 13% artaraq 296 milyard dollara çatıb.

İqtisadiyyat.az xəbər verir ki, bu barədə ABŞ Maliyyə Nazirliyi fevral ayı üzrə büdcə balansı hesabatını dərc edib.

Məlumata görə, 1 oktyabr 2023-cü ildə başlayan və 30 sentyabrda sona çatacaq 2024-cü maliyyə ilinin 5-ci ayında federal hökumətin büdcə açığı 296 milyard dollar olaraq hesablanıb.

Keçən ilin fevral ayında federal hökumətin büdcə kəsiri 262 milyard dollar olub. Hesabat dövründə hökumətin gəlirləri 3% artaraq 271 milyard dollara, xərcləri isə 8% artaraq 567 milyard dollara çatıb.

 

Gözəl Həşimova