İqtisadiyyat.az xəbər verir ki, bu barədə "Financial Times" öz mənbələrinə istinadən yazıb. 

Məqalədə qeyd olunur ki, gələcəkdə ABŞ qoşunları qərbə köçürülə bilər, bu isə Avropa İttifaqını Rusiya ordusu qarşısında zəif vəziyyətə sala bilər.

Nəşr vurğulayır ki, ABŞ artıq Avropa dövlətləri üçün etibarlı müttəfiq hesab olunmur.

Bundan əvvəl NATO Hərbi Komitəsinin rəhbəri Cüzeppe Kavo Draqone bildirmişdi ki, ABŞ Avropa İttifaqından qoşunlarının bir hissəsini çıxara bilər, lakin NATO-dan tamamilə ayrılmaq ehtimalı azdır.

O, həmçinin vurğulayıb ki, ABŞ-nin dəyişən prioritetləri səbəbilə Avropa İttifaqı müdafiə xərclərini artırmalıdır.