Litvanın Belarusla bəzi sərhəd qapılarını bağlamağa qərar verməsindən sonra ABŞ Belarusdakı vətəndaşlarını bu ölkəni tərk etməyə çağırıb.
İqtisadiyyat.az xəbər verir ki, bu barədə ABŞ-nin Minskdəki səfirliyindən açıqlama verilib.
Belarusla qonşu olan digər Avropa ölkələrinin də oxşar qərarlar ala biləcəyinə diqqət çəkilən açıqlamada, "Polşa, Litva və Latviya hökumətləri Belarusla sərhəd keçidinin bağlanmasının mümkün olduğunu bildirdilər. Belarusdakı ABŞ vətəndaşları dərhal ölkəni tərk etməlidirlər", - deyə bildirilib.
Bəyanatda həmçinin ABŞ vətəndaşlarına Belarusa səfər etməmələri ilə bağlı xəbərdarlıq edilib və ABŞ-nin Minskdəki səfirliyinin ölkədəki ABŞ vətəndaşlarına göstərə biləcəyi yardımın məhdud olduğuna diqqət çəkilib.
Həmçinin ABŞ vətəndaşlarına Rusiya və Ukraynaya səfər etməmək barədə xəbərdarlıq da edilib.
