ABŞ administrasiyası hesab edir ki, Afrika ölkələri Ukrayna ilə diplomatik münasibətləri kəsməməlidir. 

İqtisadiyyat.az xəbər verir ki, bu barədə jurnalistlər üçün keçirdiyi növbəti brifinqdə Dövlət Departamentinin mətbuat xidmətinin rəhbəri Metyu Miller bildirib.

Afrika ölkələrinin Kiyevlə əlaqələrini kəsməsi ilə bağlı vəziyyəti şərh edən diplomat vurğulayıb: "Biz həmişə diplomatik münasibətlərin vacib olduğuna inanırıq və ölkələr bir-biri ilə danışanda, mübahisələri həll etmək və mövcud problemləri həll etmək imkanı yaranır. Diplomatiya vacibdir, ona görə də biz bu ölkələri bir-biri ilə danışmağa davam etməyə çağırırıq".

O, Afrika ölkələrinin Rusiyaya üz tutma tendensiyası varmı sualına birbaşa cavab verməyib. Əvəzində Miller Moskvanın regiondakı siyasətini növbəti dəfə kəskin tənqid edib.