Avropa İttifaqının (Aİ) ciddi qaydalar tətbiq edəcəyi böyük texnologiya şirkətləri arasında "Google", "Apple", "Meta" və "Microsoft" var.

İqtisadiyyat.az dünya mediasına istinadən bildirir ki, bu barədə Avropa İttifaqının (Aİ) komissarı Thierry Breton məlumat verib. 

Ötən il təsdiqlənən və rəqəmsal platformaların fəaliyyətində dəyişikliklərə səbəb olacaq AB qanununa əsasən, xüsusilə böyük rəqəmsal platformaların bazar gücünü məhdudlaşdırmaq üçün yeni qaydalar tətbiq olunacaq. Bu kontekstdə Avropada fəaliyyət göstərən bazar dəyəri ən azı 75 milyard avro olan və 45 milyondan çox istifadəçiyə çatan böyük platformalar “qapıçılar” adlandırılacaq. Bu texnoloji şirkətlər və rəqəmsal platformalar digərlərinə nisbətən daha sərt qaydalara tabe olacaq.

Qanuna əsasən, bu şirkətlərdə müxtəlif mesajlaşma xidmətləri qarşılıqlı fəaliyyət göstərməlidir. İstifadəçilərə əvvəlcədən quraşdırılmış proqram təminatı və ya proqramları silmək qadağan edilməyəcək. İri şirkətlərin müəyyən edilmiş bazar qaydalarına əməl etmədiyi təqdirdə bəzi fəaliyyətləri dayandırıla bilər.

“Qapıçı” vəzifəsində olan şirkətlər qaydaları pozduqları təqdirdə qlobal dövriyyələrinin 10 faizinə qədər cərimələnə bilərlər.

Thierry Breton bildirib ki, rəsmi qərar 6 sentyabr tarixində olacaq. Hazırda isə AB qiymətləndirmə prosesini tamamlayır. Yeni qaydaların 2024-cü ilin martında tətbiq edilməsi planlaşdırılır.