Avropa İttifaqı (Aİ) rəqəmsal avroların buraxılması üçün hüquqi baza hazırlayıb.
İqtisadiyyat.az xəbər verir ki, Aİ Komissiyası rəqəmsal avroların istifadəsi üçün hüquqi baza yaratmaq üçün tənzimləmə təklifini açıqlayıb.
Təklifə əsasən, rəqəmsal avro Avropa Mərkəzi Bankı (ECB) tərəfindən buraxılan, ictimaiyyətə açıq olan mərkəzi bank rəqəmsal valyutası olacaq. Rəqəmsal avro nağd avronun rəqəmsal versiyası kimi istifadə olunacaq.
Kriptovalyuta aktivlərindən fərqli olaraq, rəqəmsal avronun arxasında ECB dayanacaq və nağd avrolarda olduğu kimi, saxlanılan hər bir rəqəmsal avro birbaşa ECB tərəfindən dəstəklənəcək.
ECB etibarlılığını, dəyərini, sabitliyini və nüfuzunu qoruyaraq rəqəmsal avronun nağd avroya dəyişdirilməsini təmin edəcək.
Rəqəmsal avro ilə Avropada alternativ ödəniş həlli təklif ediləcək və fiziki şəxslər və müəssisələr mövcud variantlardan əlavə rəqəmsal avro ilə də ödəniş edə biləcəklər.
Rəqəmsal avro, Avrozonada geniş şəkildə qəbul edilən ucuz, təhlükəsiz və rəsmi valyutaya çevriləcək.
