Avropa İttifaqı (Aİ) ölkələrinin daxili işlər nazirləri illərlə dalana dirənmiş İmmiqrasiya və Sığınacaq Paketi ilə bağlı konsensus əldə etmək üçün sabah bir araya gələcək.
İqtisadiyyat.az xəbər verir ki, Lüksemburqda sabah başlayacaq və iki gün davam edəcək daxili işlər nazirlərinin toplantısında bu iki məsələ ilə bağlı konsensusun əldə edilməsi hədəflənir.
Aİ Komissiyasının hazırladığı bir sıra qanunvericilik təklifləri, yol xəritələri və tövsiyələrdən ibarət olan “miqrasiya və sığınacaq paketi” üzv dövlətlərin fərqli yanaşmaları səbəbindən qəbul edilə bilmədi.
Ötən il Aİ-də sədrlik dövründə Fransa paket üzrə irəliləyiş üçün “addım-addım yanaşma”nı qəbul etdi və paketin 2 elementi, yəni Aİ-nin xarici sərhədlərinin möhkəmləndirilməsi və üzv dövlətlər arasında həmrəylik mexanizminin yaradılması üzrə irəliləyiş əldə edilib.
2022-ci ildə Aİ-yə 330 min qeyri-qanuni giriş edilib ki, bu da əvvəlki ilə nisbətən yüzdə 64 artım deməkdir.
