"Naxçıvan Sığorta" ASC istisna olmaqla Azərbaycanda fəaliyyət göstərən 21 sığorta şirkətindən 6-nın bu il yanvarın 1-nə aktivləri illik müqayisədə az olub.

FED.az xəbər verir ki, bunlar "Azərbaycan Sənaye Sığorta" (ASS), "Atəşgah Sığorta", "Azsığorta", "Qala Həyat Sığorta", "Atasığorta" və "AXA Mbask" Sığorta Şirkəti ASC-lədir.

Ən çox azalma "AXA Mbask"da (49,2%), ən az azalma isə ASS-də (1,3%) qeydə alınıb.

Qalan 15 sığorta şirkətinin isə aktivləri artıb. Ən yüksək dinamika "İpək Yolu Sığorta" ASC-də (2,4 dəfə), ən aşağı dinamika isə "A-Qrup Sığorta"da (3,5%) qeydə alınıb.