İqtisadiyyat.az xəbər verir ki, bu barədə Azərbaycan Respublikasının 2024-cü il dövlət büdcəsinin icrası barədə illik hesabatında qeyd olunub.  

Bundan başqa, 2024-cü ilin dövlət büdcəsində nəzərdə tutulmuş məqsədli xərclərdən və ehtiyat mənbələrdən ayrılmış əlavə olaraq 64,3 milyon manat məbləğində vəsait də nəzərə alınmaqla sosial müdafiə və sosial təminat sahəsinə dövlət büdcəsi xərclərinin 11,2 faizi həcmində və ya 4215,4 milyon manat vəsait yönəldilib.
 
Funksional təsnifata uyğun olaraq (dövlət büdcəsində nəzərdə tutulmuş məqsədli xərclərdən və ehtiyat mənbələrdən ayrılmış vəsait istisna olmaqla) 2024-cü ildə sosial müdafiə və sosial təminat xərcləri üzrə istifadə olunmuş vəsaitin 3697,7 milyon manatı və ya 89,1 faizi sosial müdafiə və sosial təminat sahələri üzrə digər müəssisə və tədbirlərə (Azərbaycan Respublikası Əmək və Əhalinin Sosial Müdafiəsi Nazirliyinın xətti ilə ayrı-ayrı kateqoriyadan olan şəxslərə ödənilən Azərbaycan Respublikası Prezidentinin təqaüdləri və sosial müavinətlər, dövlət sosial müdafiə fondunun büdcəsinin balanslaşdırılması məqsədilə dövlət büdcəsinin öhdəliklərinin maliyyələşdirilməsi üçün ayrılmış vəsait, məcburi köçkünlərə və onlara bərabər tutulan şəxslərə ödənişlər, haqqı ödənilən ictimai işlərin təşkili xərcləri və göstərilən xidmətlərə görə publik hüquqi şəxslərə dövlət büdcəsindən ayırmalar), 453,4 milyon manatı və ya 10,9 faizi sosial müdafiə (ünvanlı dövlət sosial yardımı, dövlət qulluqçularına verilən müavinət, dəfn üçün müavinət, uşağın anadan olmasına görə müavinət, şəhid olanların uşaqlarına verilən müavinət və sair sosial müavinətlər) və sosial təminat (Azərbaycan Respublikası Elm və Təhsil Nazirliyinin və Sosial Xidmətlər Agentliyinin tabeliyində olan uşaq evlərinin saxlanılması xərcləri) xərclərinə sərf edilib. 

İqtisadi təsnifata uyğun olaraq 2024-cü ildə sosial müdafiə və sosial təminat xərcləri üzrə istifadə olunmuş vəsaitin 2716,7 milyon manatı və ya 65,4 faizi sosial ödənişlərə (ünvanlı dövlət sosial yardımı, sosial müavinətlər, ayrı-ayrı kateqoriyadan olan şəxslərə Azərbaycan Respublikası Prezidentinin təqaüdləri, aztəminatlı ailələrin uşaqlarına müavinət (şəhid ailələrinin uşaqlarına, müharibə və 20 Yanvar hadisələri zamanı əlil olanların uşaqlarına, Çernobıl qəzası nəticələrinin aradan qaldırılması ilə əlaqədar əlil olanların uşaqlarına, müddətli həqiqi hərbi xidmətdə olan ailələrin uşaqlarına, aztəminatlı ailələrdə 1 yaşadək uşaqlara) məcburi köçkünlərə və onlara bərabər tutulan şəxslərə ödənişlər),1366,0 milyon manatı və ya 32,9 faizi “Qrant və digər ödənişlərə” (Dövlət Sosial Müdafiəsi Fondunun büdcəsinin balanslaşdırılması məqsədilə dövlət büdcəsinin öhdəliklərinin maliyyələşdirilməsinə 1232,0 milyon manat, dövlət adından yaradılan publik hüquqi şəxslərə 134,0 milyon manat), 53,1 milyon manatı və ya 1,3 faizi malların (işlərin və xidmətlərin) satınalınmasına (yanacaq və sürtkü materiallarının alınması, dərman, sarğı ləvazimatlarının və ərzaq məhsullarının alınması, digər malların alınması),11,1 milyon manatı və ya 0,3 faizi qeyri-maliyyə aktivlərinə (məcburi köçkünlərin məskunlaşdığı ərazilərdə ötürücü qurğuların alınması xərcləri), 4,2 milyon manatı və ya 0,1 faizi əməyin ödənişi xərclərinə yönəldilib.