ABŞ və daha 17 ölkə HƏMAS qruplaşmasından ötən ilin oktyabrın 7-də İsrailə hücumlar zamanı əsir götürülən girovları azad etməyi tələb edir.

İqtisadiyyat.az xəbər verir ki, bu barədə 18 ölkənin birgə bəyanatında deyilir.

Məlumata görə, bu dövlətlər girovların taleyinin beynəlxalq narahatlıq məsələsi olduğunu açıqlayıblar.

Bəyanatı Avstriya, Argentina, Bolqarıstan, Braziliya, Böyük Britaniya, Macarıstan, Almaniya, Danimarka, İspaniya, Kanada, Kolumbiya, Polşa, Portuqaliya, Rumıniya, Serbiya, ABŞ, Tailand və Fransa imzalayıb.

Qeyd edək ki, 2023-cü ilin oktyabrın 7-də Qəzza zolağından HƏMAS yaraqlılarının İsrail ərazisinə sızmasından, sərhəd yaşayış məntəqələrinin sakinlərinin öldürülməsi və əsirlərin girov götürülməsindən sonra Yaxın Şərqdə vəziyyət kəskin şəkildə pisləşib. Buna cavab olaraq İsrail Qəzzanı tam blokadaya aldığını elan edib.

 

Gözəl Həşimova