Finans.az Azərbaycanda fəaliyyət göstərən sığorta şirkətlərinin 2018-ci il ərzində dövlət büdcəsinə ödədiyi mənfəət vergisini müəyyən edib.
İqtisadiyyat.az finans.az-a istinadən xəbər verir ki, sığorta şirkətlərinin 31 dekabr 2018-ci il üzrə açıqladıqları hesabata əsasən 14 sığorta şirkəti bu il mənfəətindən vergi ödəyib. Digər sığorta şirkətləri isə zərərdə olduqları və ya 2017-ci ili zərərlə başa vurduqları üçün mənfəət vergisi ödəməyiblər. (Qeyd edək ki, cari ödəmələr şəklində mənfəət vergisi ötən ilin mənfəətinə mütənasib olaraq hesablanır).
2018-ci il üzrə ən çox mənfəət vergisi ödəyən sığorta şirkətlərinin ilk beşliyi belə olub:
| Sığorta şirkəti | Vergi məbləği (manat) |
| “Paşa Sığorta” | 5 934 008 |
| “Paşa Həyat Sığorta” | 5 508 072 |
| “Atəşgah Həyat” Sığorta | 1 651 058 |
| “Meqa Sığorta” | 1 189 172 |
| “AZSIĞORTA” | 1 011 519 |
