Logo

TAP kəməri üzər tikinti işlərinin 88,5%-i tamamlanıb


Azərbaycan qazının Avropaya nəqlini nəzərdə tutan Trans-Adriatik Boru Kəmərinin (TAP) inşasına başlanılandan bəri 88,5%-i işlər yekunlaşıb. İqtisadiyyat.Az apa-ya istinadən xəbər verir ki, bu barədə TAP konsorsiumunun yaydığı məlumatda qeyd olunub.

TAP kəmərinin tikintisi çərçivəsində bu ilin sonunadək Yunanıstan və Albaniya ərazisində boruların 100%-i torpağa basdırılacaq. İndiyədək boru üzrə Yunanıstan və Albaniya ərazisində boruların 98%-i torpağa basdırılıb.

Xatırladaq ki, Cənub Qaz Dəhlizi layihəsinin bir hissəsi olan TAP kəməri ilə "Şahdəniz-2" layihəsi çərçivəsində hasil olunan qazın ilkin olaraq ildə 10 mlrd. kubmetrinin Avropaya nəqli nəzərdə tutulur. Bu boru kəməri Yunanıstan, Albaniya və Adriatik dənizindən keçməklə İtaliyanın cənubuna qədər uzanacaq. Gələcəkdə kəmərin illik nəqletmə gücü 20 mlrd. kubmetrə artırılması planlaşdırılıb.

Azərbaycan qazının Avropaya 2020-ci ildə çatdırılacağı nəzərdə tutulur.

Sənaye,
19.07.2019 17:31 44
Teqlər: İqtisadiyyat, sənaye, TAP, kəmər, tikinti, işlər, yeunlaşma, Azərbaycan, faiz,